Apologetika

Apologétika ta trata ku defensa di diferente aspekto di e kreensia kristian.  Pues, e estudio aki ta trata ku argumentonan ku ta defendé nos fe.  Despues di estudio ku ta introdusí apologétika, tin estudio tokante un òf mas asepekto di nos fe ku nos por defendé.

E promé estudio ta presentá pruebanan ku Beibel ta Palabra di Dios.  E estudio di apologétika semper lo keda un estudio inkompleto, pasobra semper por agregá mas tópiko ku kristiannan tin ku defendé.

E estudio aki ta skirbí pa Dean Ressler.

Doktrina

Kiko nos ta kere?  Kiko nos no ta kere?  Pakiko nos ta kere loke nos ta kere?  Kiko Beibel ta bisa tokante sierto tópiko?

Estudionan doktrinal ta masha importante, pasobra loke bo ta kere ta afektá bo komportashon, palabranan, i aktitutnan.

Eventualmente e kategoria aki lo inkluí e siguiente nuebe doktrina:  doktrina di Beibel, doktrina di Dios, doktrina di Hesu-Kristu, doktrina di Spiritu Santu, doktrina di angelnan, doktrina di hende, doktrina di salbashon, doktrina di iglesia i doktrina di profesia.  E estudionan aki ta skirbí pa Dean Ressler.