Ora nos ta papia di algu bieu, e implikashon ta ku algu mas nobo ta eksistí. Esei ta e kaso

ku Tèstamènt Bieu. Nos Beibel ta konsistí di dos parti—loke nos ta yama Tèstamènt Bieu i

Tèstamènt Nobo.

E palabra “tèstamènt” ta referí na un aliansa. Dios a hasi un aliansa ku Su puebel. Ma e

hendenan di Israel a frakasá. Nan no a kumpli ku e rekisitonan di e aliansa. Pesei, Skritura ta

laga sa ku tempu lo yega ku Dios lo sera un aliansa nobo ku Su puebel. Jeremias 31:31-33 ta

bisa, “’Ata, e dianan ta bin,’ SEÑOR ta deklará, ‘ku lo Mi sera un aliansa nobo ku e kas di Israel

i ku e kas di Juda, no manera e aliansa ku Mi a sera ku nan tatanan den e dia ku Mi a kohe nan

na nan man pa saka nan for di tera di Egipto, Mi aliansa ku mi a kibra, ounke ku Mi tabata un

esposo pa nan,’ SEÑOR ta deklará. Ma esaki ta e aliansa ku lo Mi sera ku e kas di Israel

despues di e dianan ei, ‘ SEÑOR ta deklará. ‘Lo Mi pone Mi lei den nan i lo Mi skirbié riba nan

kurason, i Ami lo ta nan Dios i nan lo ta Mi pueblo…’” Den Tèstamènt Nobo, Hebreonan

kapítulonan 7-10, ta papia di e aliansa nobo, referiendo na loke Jeremias a skirbi (8:8-12).

Tèstamènt Bieu i Tèstamènt Nobo ta referí en general na e aliansanan aki.