Apel di Oro

For di 1993 te 2004, Dean Ressler a skirbi un artíkulo semanal den korant Extra entitulá Apel di Oro.  E artíkulonan kortiku ta trata ku eventonan, étika i otro tópikonan di aktualidat for di un perspektiva bíbliko.  E artíkulonan ta listá na un forma alfabétiko pa hasié mas fásil pa haña un tópiko di interes.  E aña ku e artíkulo a wòrdu publiká den korant tambe ta indiká.

Esaki ta Mormonismo

Algun dékada pasá, Mormonnan a deskubrí nos islanan karibense.  Esaki a lamta interogante den nos pueblo, “Kiko ta Mormonismo?”  Komo resultado, Dean Ressler a skirbi un buki ku 15 kapítulo entitulá Esaki ta Mormonismo pa kontestá e pregunta detayadamente.

Historia di Pentekostalismo

E palabranan “Pentekostal” i “Karismátiko” a bira komún den nos vokabulario religioso.  Ma kiko e palabranan aki ta nifiká i kiko ta orígen di e fenómenonan aki?  Dean Ressler a skirbi un historia kortiku pa duna klaridat riba e interogantenan aki.

Si bo Stimámi

Durante dékada 1990, na diferente okashon Dean Ressler a presentá charlanan pa hóbennan tokante seksualidat, enfatisando e importansia di mantené puresa te matrimonio.  E charlanan eventualmente a bira un buki chikitu.

E estudionan ta mes válido awendia ku tempu nan a wòrdu presentá originalmente, maske e estadístika i sífranan a kambia.